Sana’y Tangayin Na

Isang kaibigan, natutunang mahalin

Pangako sa sarili siya lang ang iibigin

Oh kay sakit, umaasa na ako ay mahalin din

Ngunit tila nabagsakan ng bato, friendzone pa rin.

Puputi na lamang siguro ang uwak

Nandito pa rin ang sakit, hawak-hawak

Kung lulunukin isang pilsen ng alak

Siya’y limutin, wala pa ring balak.

Oh hanging galing sa Camiguin

Ibig kong iyong tangayin

Sakit na namuo dito sa akin

Sana’y tuluyan mo nang waksiin.

Pumarito ka sariwang hangin

Isama mo ang sakit sa bukirin

Ibaon mo ito sa malapit na bangin

Upang wala ng poot na dadamdamin.