Bumango’t Magpatawad

Umpisa’y maligaya

Sumasayaw pa sa saya

Katawa’y umiindak

At paa’y sumisindak

Ngunit nagkalabuan

Dumilim ang samahan

Siya’y lumayo nang dahan-dahan

Umiyak ka nang marahan

Hindi nagkaintindihan

Iniwan ka ng tuluyan

Hindi sinupurtahan

At walang pakialam

Buhay mo’y masalimuot

Kahit saan na sumusuot

Ang galit ay iyong sinuot

Pati poot ay ‘yong sinaplot

Waksiin mo ang pagdaramdam

Palitan ng kapatawaran

Ligaya’y iyong maaasam

Dito sa buong santinakpan

Ngumiti ka ng todo

Upang gumanda lalo

‘Wag kang magpapatalo

Sa problema ng mundo

Ngayon na ang panahon

Upang ika’y bumangon

Lumabas na sa kahon

At harapin ang bagong taon.